今次搬屋, 兩傻做左件善事, 就係將d 唔要既電器, 例如微波爐, 雪櫃, 電視個d送晒比聖雅各福群會再轉送比有需要既人.

但係舊傢俬就無咁好彩... 因為無人要, 所以比左少少錢管理處個清潔亞姐叫佢掉左佢.. 真係好可惜.

搬屋公司搵左一間叫佳佳既, 好搞笑佢個logo係一隻熊貓, 真係名乎其實熊貓佳佳... 呢間公司真係超專業... 快到無倫, 而且仲好照顧週到, 又無話臨時加錢, d 哥哥服務態度一流, 收費.. ok啦. 千五蚊搞掂. 最好笑係: 佢地架車係橙色, d哥哥全部都著橙色tee, 咁啱大傻嗰日又係著橙色tee, 於是大傻特登企响佢架車隔離留影一番, 完全唔似係客仔, 似物流專才多d.

好... 終於脫離古怪屋! 新屋真係好滿意, 地點適中, 景呢, 都有少少維港. 豪宅級既保安, 酒店級既浴室, 最好係地板無滲水嘛!!! 不過太近傻爸傻媽屋企, 以後無得借d意話遠唔返屋企食飯.

值得一提: 全屋傢俬由維納設計同生產, 都幾好, 個設計師好有諗頭, 雖然follow-up 要不停催促, 但整體都算交帶.

刻下正忙於拆箱同各種駁線. 暖屋活動正安排中... 請稍候.