尋日下午, 終於收到新居的鎖匙了! 細傻仲即時已經同管理公司既保安 '打成一片' 添....

事緣原來細傻就紅日動工一事, 與推三搪四太極內功深厚的保安發生 '激烈對話', 最後動了真氣, 深深不忿的細傻決定出動手上的皇牌好好懲治小惡魔.

原來細傻有個朋友係資深物業管理界人士, 人脈及見識均極廣. 不出一小時已經起清發展商工程部同管理公司高層的姓名及電話, 又代兩傻與保安交涉, '勸喻' 保安盡快依服務承諾為住客作出快捷而優質的服務, 以免驚動公司高層親自款待.

結果保安在欺善怕惡但求息事寧人的情況下屈服, 不但即刻fax form 比兩傻申請許可證, 同時免去裝修按金. 不過與此同時, 兩傻亦深信自己的單位已被標成 '極度麻煩, 小心處理' 類. 日後必定會遭到特別殷勤的禮遇.

當晚兩傻再次返回新居巡視時, 已經感受到 '賓至如歸' 的服務: 在缺乏住客證的情況下, 保安已單靠閉路電視辨認出兩人為新搬入的住客, 無須查問便即時開啟地下大門讓兩傻進入. 由於新居保安極度嚴密, 須三重認證才可進入, 故相信此事背後必定另有蹺蹊. 還是多得細傻的 a good beginning is half success.

講左咁耐, 究意兩傻幾時入伙呢? 樂觀希望係四月底啦. 艾菲話八月十二號上黎兩傻新居睇煙花.. 無問題之至啦. 到時一定租定煙花影碟, 睇通宵又點話!