至於新居方面, 一俟收到鎖匙便可火速進行, 只要傢俬準時四月廿二號收到, 兩傻便可於本月底前入伙. 五月安排一連串暖屋行動.

兩傻搵樓blog 可以改為兩傻搬樓blog. 預料呢個搬屋大行動都會幾頭痕. 細傻已經開始 '騰出地方迎接新貨抵港' 大行動, 連日來不停執野掉... 原來佢平時收埋唔少垃圾. 至於大傻... 相信都唔係太多野執, 事關其實大傻現址所佔空間不多, 最多都只係既黃金屋同顏如玉. 不過兩姊妹共有既雜物真係唔少. 每次兩傻去睇傢俬圖, 最大問題都係d野放邊, 梯呀, 熨板呀, 吸塵機呀, 喼呀, 摺櫈呀, 咁. 仲有女仔最重要係大衣櫃. 遲d各方友好就會見到兩傻既特大衣櫃 (其實都係掹掹夠位).

今個月真係會極度充實呀!