响星期日, 我地終於同業主一五一十講左佢間古怪屋既事. 原來佢呢排响北京發展, 嗰日一落機, 即刻帶埋師傅上黎巡視災場.

師傅一睇個地板, 踩左兩下, 即刻話.. 嘩, 都好犀利喎, 起碼出左事成年啦... 兩傻一聽, 即刻眼突, 師傅真有料到喎, 咁都知..

跟住師傅左問右問, 確定係浴室出事, 拆開個浴缸一睇, 斷定去水喉無漏.. 原來係兩傻出浴時水濺到牆. 日子有功, d 水沿牆往下流, 儲响浴缸底然後滲出廳. 師傅仲話呢幢大廈好多戶都係咁.. 我地都唔算利害.. 唯一治本方法係拆左浴缸轉企缸, 再加玻璃屏幕擋水就一了百了. 地板就唔駛拆, 不過整企缸都要三個工作天.

此言正中兩傻下懷. 兩傻心念一轉, 決定乜都合作, 要幾時就幾時啦. 無問題. 仲約埋師傅再睇添.

然後, 今日:  大傻打左電話比身在神州既業主, 好大體地同佢講兩傻唔想拖延佢工程進度, 決定住埋四月搬走. 希望你好我好啦..

兩傻宜家只希望新屋能生生性性, 唔好遲入伙, 如果唔係五月就要瞓街架喇!