今日係大年初一, 祝大家新一年事事順境!

傻家每年年初一例必齊齊在家中食早飯, (真係白飯, 加傻媽精心炮製炆齌同南乳一磚), 然後到年過九旬既太上老君屋企拜年. 兩傻响太上老君屋企睇電視時見到Ikea年初一開十二點, 即刻夾啱時間鬆人行街.

只見細傻指住各式各樣傢俬用品不停興高采烈手舞足蹈, 呢個啱, 嗰個唔啱, 開心到好似去左廸廸尼咁, 而大傻卻全程渾然忘卻世事, 猶如置身事外, 任由細傻如何盡力感染, 大傻都無乜反應. 於是大傻深明家中間隔並非自己杯茶, 決定將所有佈置交比細傻全權負責, 包括自己間房. 其實點擺點砌大傻真係無乜所謂, 因為每日只有兩個鐘頭會神智清醒地留在屋中, 只要實用便可以了... 其他style呀, taste呀, 只要細傻喜歡又唔係太娘就無問題.

當然大前提係: 千祈要利家中各人, 學J人話齌: 要開到桃花一地到係!!!